{"id":5325,"date":"2021-09-02T12:38:52","date_gmt":"2021-09-02T12:38:52","guid":{"rendered":"http:\/\/adrwales.org\/how-can-data-linking-support-the-delivery-of-a-new-agricultural-policy-in-england-a-defra-perspective\/"},"modified":"2022-11-09T13:55:22","modified_gmt":"2022-11-09T13:55:22","slug":"how-can-data-linking-support-the-delivery-of-a-new-agricultural-policy-in-england-a-defra-perspective","status":"publish","type":"post","link":"https:\/\/adrwales.org\/cy\/how-can-data-linking-support-the-delivery-of-a-new-agricultural-policy-in-england-a-defra-perspective\/","title":{"rendered":"Sut mae cysylltu data yn gallu cefnogi\u2019r gwaith o gyflawni polisi amaethyddol newydd yn Lloegr? Safbwynt Defra"},"content":{"rendered":"

Mae Dave Fernall, sy\u2019n ystadegydd yn nh\u00eem Ystadegau Ffermio<\/a> Defra<\/a> (Adran yr Amgylchedd, Bwyd a Materion Gwledig) ac yn arweinydd y prosiect Data Gweinyddol | Casgliad Ymchwil Amaethyddol (AD|ARC)<\/a> yn Lloegr, yn rhannu ei safbwyntiau personol ar y ffordd y mae\u2019r prosiect yn cefnogi polis\u00efau amaethyddol Defra.<\/h3>\n

Gosod yr olygfa<\/h2>\n

Mae llawer i\u2019w hoffi am ffermio. Mae llawer i\u2019w barchu hefyd am ffermwyr a\u2019u teuluoedd. Yn \u00f4l natur amaethyddiaeth, mae ffermydd yn dueddol o fod yn anghysbell ac mewn rhannau gwledig o\u2019r wlad sydd \u00e2 phoblogaeth wasgaredig, ac ardaloedd sydd hefyd yn tueddu i fod yn llai llewyrchus, \u00e2 llai o gyfleoedd cyflogaeth. Yn aml, mae\u2019r gwaith yn gorfforol feichus gyda diwrnodau hir a dechrau\u2019n gynnar; ac mae angen i ffermwyr fod yn annibynnol ac yn hunanddibynnol. Yn achos ffermydd teuluol, mae\u2019r cartref teuluol yn rhan annatod o\u2019r busnes, ond o ganlyniad, os bydd y busnes yn methu gall y teulu golli eu cartref lle bu cenedlaethau o\u2019u blaen yn byw a gweithio.<\/p>\n

Yn ogystal, caiff ffermio ei effeithio gan nifer o ffactorau allweddol y tu hwnt i reolaeth y diwydiant ei hun neu ffermwyr unigol. Y tywydd yw\u2019r un mwyaf amlwg, ond mae prisiau nwyddau, pris olew, y galw gan ddefnyddwyr a materion masnach fyd-eang, yn gallu newid yn gyflym a heb fawr o rybudd. Er bod yr holl ffactorau hyn yn helpu i greu ffordd o fyw unigryw ffermio a\u2019r manteision posibl a ddaw yn ei sgil, maent hefyd yn dod \u00e2 chyfuniad unigryw o bwysau a heriau.<\/p>\n

Pam mae cysylltu data\u2019n ddefnyddiol?<\/h2>\n

Cynhaliwyd y cyfrifiad amaethyddol llawn cyntaf ym 1865, felly mae Defra a\u2019i rhagflaenwyr wedi cadw data dibynadwy ar ffermydd ers dros ganrif a hanner. Mae\u2019r cyfrifiad \u2013 ac yn fwy diweddar yr arolygon blynyddol sydd wedi ei ddisodli \u2013 yn darparu ystadegau dibynadwy a manwl ar ddefnydd tir, arwynebedd cnydau, niferoedd da byw, a llafur. Fodd bynnag, rydym yn gwybod bod aelodau eraill y teulu yn gwneud gwaith di-d\u00e2l yn aml ar y fferm, bod ganddynt swyddi eraill oddi ar y fferm, neu eu bod yn cyfuno gwaith oddi ar y fferm \u00e2 gweithgareddau ffermio. Ond a ydynt yn gweithio ar y fferm oherwydd eu bod yn mwynhau\u2019r gwaith, neu a yw\u2019n hanfodol ar gyfer hyfywedd busnes y fferm? Ac yn yr un modd, os ydynt yn dal swyddi eraill oddi ar y fferm, ai dewis neu reidrwydd yw hyn?<\/p>\n

Wrth gydgysylltu data\u2019r cyfrifiad amaethyddol am fusnesau fferm \u00e2 data am yr aelwydydd (oedran, galwedigaeth, addysg, iechyd), rydym yn disgwyl i setiau data AD|ARC roi dealltwriaeth i ni ar gwestiynau megis:<\/p>\n