{"id":5025,"date":"2021-07-22T13:33:54","date_gmt":"2021-07-22T13:33:54","guid":{"rendered":"http:\/\/adrwales.org\/adarc-linking-government-data-to-support-farming-in-scotland\/"},"modified":"2022-10-31T12:37:24","modified_gmt":"2022-10-31T12:37:24","slug":"adarc-linking-government-data-to-support-farming-in-scotland","status":"publish","type":"post","link":"https:\/\/adrwales.org\/cy\/adarc-linking-government-data-to-support-farming-in-scotland\/","title":{"rendered":"AD|ARC: Cysylltu data\u2019r Llywodraeth er mwyn cefnogi Ffermio yn yr Alban"},"content":{"rendered":"

Mae Alastair McAlpine yn Uwch Ystadegydd yn is-adran Gwyddorau Gwledig ac Amgylcheddol a Gwasanaethau Dadansoddol Llywodraeth yr Alban ac mae hefyd yn Llysgennad Ymchwil Data Gweinyddol y Deyrnas Unedig (YDG y DU)<\/a>. Yma, mae\u2019n trafod sut mae\u2019r prosiect AD|ARC (Data Gweinyddol | Casgliad Ymchwil Amaethyddol)<\/a> yn cefnogi polis\u00efau Llywodraeth yr Alban ar gyfer y dyfodol.<\/h3>\n

Mae aelwydydd ffermio yn hanfodol i ddyfodol pawb<\/strong><\/p>\n

Mae ffermwyr a busnesau fferm yn mynd law yn llaw \u00e2 bywyd teuluol, ond mae\u2019r sector a\u2019r gymuned ffermio yn wynebu hen heriau a heriau newydd.<\/p>\n

Mae problemau mwy diweddar fel tywydd eithafol wedi taro busnesau fferm yn arbennig yn y blynyddoedd diwethaf. Arweiniodd y \u2018Bwystfil o\u2019r Dwyrain\u2019 yn 2018 at gyfraddau uchel o farwolaethau \u0175yn, ac wrth i\u2019r DU osod cyfyngiadau symud yn 2020, cawsom wanwyn a oedd gyda\u2019r sychaf a gofnodwyd erioed. Fodd bynnag, effeithiodd hyn y tymor tyfu ac arweiniodd at bwysau cnydau gwael yn yr hydref. Mae\u2019r digwyddiadau hyn yn dod yn arferol ac maen nhw\u2019n niweidiol.<\/p>\n

Yn ogystal \u00e2\u2019r her honno, mae angen newidiadau polisi mawr i ddisodli system Polisi Amaethyddol Cyffredin yr Undeb Ewropeaidd (UE). Wrth i hyn ddigwydd, mae wedi amlygu\u2019r effaith y mae ffermio yn ei chael ar y newid yn yr hinsawdd, bioamrywiaeth a\u2019r amgylchedd. Nid y llywodraeth yw\u2019r unig weithredwr yn y maes hwn. Mae archfarchnadoedd a chyfanwerthwyr eisiau sicrwydd bod ffynonellau eu cynhwysion a\u2019u bwyd yn \u2018wyrdd\u2019, ac mae hyn yn rhoi mwy o bwysau ar gymuned ffermio sydd eisoes dan straen.<\/p>\n

Mae hyn oll yn ychwanegu at heriau digynsail i ffermwyr, eu teuluoedd, a\u2019r hyn y maent yn ei wneud \u00e2\u2019u tir. Mae angen i ni weithio gyda\u2019r sector i\u2019w cefnogi i ddod yn wydn ac addasu i newid, ac i helpu i fynd i\u2019r afael \u00e2 materion byd-eang.<\/p>\n

Datrysiad integredig sy\u2019n seiliedig ar dir<\/strong><\/p>\n

Mae arnom angen datrysiadau sy\u2019n seiliedig ar dir er mwyn mynd i\u2019r afael \u00e2\u2019r newid yn yr hinsawdd a gwrthdroi colledion mewn bioamrywiaeth, ond i wneud hynny, mae arnom angen tystiolaeth a data da. Bydd angen i bolis\u00efau weithio ar draws nifer o feysydd llywodraeth. I\u2019r rhan fwyaf o sectorau, bydd data economaidd ac amgylcheddol ochr yn ochr \u00e2 thystiolaeth wyddonol yn helpu i gyfeirio at ddatrysiadau. Mewn amaethyddiaeth, mae angen i ni hefyd ystyried cyfansoddiad y gymuned ffermio a\u2019r teuluoedd sy\u2019n rhan annatod o\u2019r sector.<\/p>\n

Felly, rwyf wrth fy modd ein bod yn aelodau sefydlol o brosiect AD|ARC (Data Gweinyddol | Casgliad Ymchwil Amaethyddol)<\/a>, sy\u2019n cysylltu data ar lefel busnes \u00e2 data\u2019r boblogaeth am y tro cyntaf yn y DU. Bydd gwybod y pwysau a roddir ar deuluoedd fferm, a nodweddion yr aelwydydd, a lle mae\u2019r cyfyngiadau ar eu gallu i newid, yn ein helpu i lywio penderfyniadau polisi gwell.<\/p>\n

Rydym yn gwybod bod anghydraddoldeb mewn ffermio a bod llawer o ffermydd yn rhedeg yn flynyddol ar golledion. Mae arnom angen ffermwyr a busnesau llewyrchus i fuddsoddi mewn technolegau newydd a phobl fedrus er mwyn datrys problemau cymhleth, ac ymhlith y gymuned ffermio oedrannus, mae iechyd yn wirioneddol bwysig.<\/p>\n

Yn yr un modd \u00e2 gwledydd datganoledig eraill ac Adran yr Amgylchedd, Bwyd a Materion Gwledig (DEFRA)<\/a>, ni all Llywodraeth yr Alban ddatrys y problemau hyn ar ein pen ein hunain. Mae angen i ni weithio\u2019n gyflym a dysgu oddi wrth ein gilydd yn y maes gwirioneddol newydd o gysylltu data. Rydym yn gofyn i\u2019n sefydliadau ymchwil partner gymryd y dadansoddiadau hyn a setiau data cysylltiedig ac ychwanegu eu harbenigedd a\u2019u gwybodaeth eu hunain i gyfoethogi\u2019r stori.<\/p>\n

Mae rhagor o wybodaeth ar gyfer rhanddeiliaid yn yr Alban ar gael ar fy mlog fy hun<\/a> ar wefan Ystadegau Llywodraeth yr Alban.<\/p>\n

Beth nesaf?<\/strong><\/p>\n

Ar \u00f4l gweithio\u2019n bennaf ym meysydd cyfiawnder a chyfiawnder cymdeithasol, rwyf wedi gweld y p\u0175er sydd ynghlwm wrth gysylltu data ar gyfer agor meysydd ymchwil newydd neu ddod \u00e2 mewnwelediadau newydd i broblemau cymdeithasol hirsefydlog. Nid oes gennyf unrhyw amheuaeth y gall yr un peth fod yn wir am yr amgylchedd a materion yn ymwneud \u00e2 thir. Edrychaf ymlaen at barhau i weithio gydag AD|ARC ac adneuo ein cronfa ddata yn Hafan Ddiogel Genedlaethol yr Alban.<\/p>\n

Rydym yn estyn allan at unrhyw un a phawb sydd \u00e2 diddordeb yn yr hyn rydym yn ei wneud. Os ydych yn gweithio ym myd ffermio, yn cynrychioli neu\u2019n cefnogi ffermwyr neu aelwydydd fferm, neu\u2019n cynnal ymchwil yn y maes hwn, byddem yn falch iawn o glywed gennych. Yn ogystal, lledaenwch y gair am y prosiect i gydweithwyr a ffrindiau yn yr Alban a thu hwnt.<\/p>\n

Yn ystod y misoedd nesaf, byddwn yn cynnal ein hail banel cyfeirio rhanddeiliaid<\/a> yn yr Alban a byddem yn croesawu aelodau newydd i\u2019n panel. Os hoffech gysylltu \u00e2 ni, anfonwch neges e-bost at: alastair.mcalpine@gov.scot<\/a>.<\/p>\n

Os ydych eisiau cadw mewn cysylltiad \u00e2\u2019r prosiect yn y cyfnod hwn, cadwch olwg am ein blogiau diweddaraf ar wefannau <\/strong>Llywodraeth yr Alban<\/strong><\/a> ac <\/strong>YDG y DU<\/strong><\/a>.<\/strong><\/p>\n

Cysylltwch \u00e2 th\u00eem AD|ARC yn: <\/strong>AD-ARC@gov.wales<\/strong><\/a>.<\/strong><\/p>\n