{"id":5014,"date":"2022-09-01T09:00:40","date_gmt":"2022-09-01T09:00:40","guid":{"rendered":"http:\/\/adrwales.org\/farming-and-farmers-in-northern-ireland-working-in-partnership-to-create-a-data-linking-project\/"},"modified":"2022-11-30T09:43:48","modified_gmt":"2022-11-30T09:43:48","slug":"farming-and-farmers-in-northern-ireland-working-in-partnership-to-create-a-data-linking-project","status":"publish","type":"post","link":"https:\/\/adrwales.org\/cy\/farming-and-farmers-in-northern-ireland-working-in-partnership-to-create-a-data-linking-project\/","title":{"rendered":"Ffermio a ffermwyr yng Ngogledd Iwerddon: Gweithio mewn partneriaeth i greu prosiect cysylltu data"},"content":{"rendered":"

Yn y rhifyn diweddaraf hwn o gyfres blogiau\u2019r prosiect Data Gweinyddol|Casgliad Ymchwil Amaethyddol<\/a> (AD|ARC), mae Orla Bateson o Asiantaeth Ystadegau ac Ymchwil Gogledd Iwerddon (NISRA)<\/a> yn trafod datblygiad Astudiaeth Ymchwil Amaethyddol y Cyfrifiad (CARS) a\u2019r camau nesaf yng Ngogledd Iwerddon.<\/h3>\n

Dros y blynyddoedd diwethaf, mae NISRA wedi dechrau creu cyfres o setiau data \u00e2 them\u00e2u gyda\u2019n partneriaid academaidd ym Mhrifysgol Queen\u2019s Belfast<\/a> a Phrifysgol Ulster<\/a> fel rhan o Ymchwil Data Gweinyddol Gogledd Iwerddon<\/a> (YDG GI). Mae hwn wedi bod yn ddatblygiad cyffrous, a gan weithio\u2019n agos ag adrannau llywodraeth Gogledd Iwerddon, mae YDG GI yn creu setiau data \u00e2 them\u00e2u gan gynnwys data addysg, incwm a chyflogaeth.<\/p>\n

Mae\u2019r sector ffermio yn bwysig dros ben i economi Gogledd Iwerddon, ond mae\u2019n wynebu nifer o heriau ar hyn o bryd, gan gynnwys Brexit a Covid-19. Felly, roedd yr Adran Amaethyddiaeth, yr Amgylchedd a Materion Gwledig (DAERA)<\/a> yn awyddus i gydweithio ag YDG GI i greu set ddata \u00e2 them\u00e2u a all roi gwybodaeth fanylach a dealltwriaeth am ffermwyr ac aelwydydd fferm yng Ngogledd Iwerddon.<\/p>\n

Beth yw Astudiaeth Ymchwil Amaethyddol y Cyfrifiad?<\/strong><\/p>\n

Prosiect Astudiaeth Ymchwil Amaethyddol y Cyfrifiad (CARS) yw llinyn Gogledd Iwerddon o\u2019r prosiect Data Gweinyddol | Casgliad Ymchwil Amaethyddol (AD|ARC)<\/a> sy\u2019n gweithredu ledled y Deyrnas Unedig (DU). Nod yr adnodd data hwn ar draws y pedair gwlad yw creu setiau data ar ffermwyr ac aelwydydd fferm sy\u2019n barod ar gyfer ymchwil.<\/p>\n

Mae cam cyntaf llinyn Gogledd Iwerddon y prosiect wedi cysylltu dwy brif set ddata \u2013 sef Cyfrifiad 2011 a Chronfa Ddata Ffermydd DAERA \u2013 i sefydlu dichonoldeb cysylltu\u2019r setiau data yng Ngogledd Iwerddon. Mae cronfa ddata ffermydd DAERA yn cynnwys data o Gyfrifiad Ffermydd 2010, o Arolwg o Strwythurau Fferm yr UE, ac o daliadau fferm DAERA. Mae\u2019r rhain wedi\u2019u cysylltu \u00e2 Chyfrifiad 2011, gan ddarparu gwybodaeth am nodweddion ffermydd, ffermwyr ac aelwydydd fferm.<\/p>\n

\n
\n
\n
\n
\n
\"\"